2025 Zibersegurtasuneko plan estrategikoa
BCSCn, Eusko Jaurlaritzaren ekimenez eta industriarekin elkarlanean, bikaintasunezko proiektu teknologiko bat garatzen gabiltza, zibersegurtasunaren industrian Euskadi nazioarteko erreferente gisa kokatzeko.
Ekosistema berriak Eusko Jaurlaritzaren Espezializazio Adimentsurako Ikerketa eta Berrikuntza Estrategian jasotzen diren sektore estrategikoetako industriak bilduko ditu; horiek dira, fabrikazio aurreratua, energia eta osasunean aplikatutako bio-zientziak.
Zibersegurtasuneko euskal ekosistemak ahaleginak eta gaitasunak elkartzea ahalbidetuko du, honetarako:
Euskadi marka indartzeko
Garapen ekonomikorako aukerak sortzeko
Industria-ingurunea sendotzeko
Gizarte digital babestuago bat lortzeko
Zibersegurtasuneko euskal ekosistema berria eraikitzeko
Zibersegurtasuneko euskal ekosistema berria oinarririk onenen gainean eraikitzeko, nazioartean erreferentziazkoak diren 12 hub aztertu ditugu, zibersegurtasunaren arloko 85 eragile nabarmen elkarrizketatuz. Horrek Euskadiren indarra eta hobetzeko puntuak ezagutzea ahalbidetu digu.
Ekintza-plana
2025era bitarteko plan bat egin dugu, besteak beste, zibersegurtasunarekin loturiko euskal enpresen ehundura dinamizatzeko, ekintzailetza eta start-upen sorrera sustatuz, dagoeneko sorturik dauden enpresak bultzatuz eta talentua eta inbertsioa erakarriz.
