Euskadin delitu informatikoek % 80 egin dute gora azken 4 urte hauetan

Josu Erkoreka lehenengo lehendakariorde eta Segurtasuneko sailburuak, Gasteizen egindako Kontroleko Osoko Bilkurako legebiltzar-galdera bati erantzunez, Eusko Legebiltzarrari jakitera eman dio Euskadin delitu informatikoek % 24 egin dutela gora aurtengo lehenengo seihilekoan, 2021eko aldi berarekin alderatuta. Ertzaintzak 9.824 ziberdelitu erregistratu ditu, eta iazko seihileko berean 7.962 erregistratu zituen. Ertzaintzak denbora horretan ikertutako delitu guztiei dagokienez (48.139 guztira), delitu informatikoak gaur egun delitu guztien % 20 baino gehiago dira (9.824).

SMS faltsuekin finantza-erakundeetako bezeroei iruzur egiten zien banda bat desartikulatu dute Araban

Talde kriminala Basauriko espetxean zeuden bi presok zuzentzen zuten, Polizia Nazionalaren ikerketen arabera, eta hortik, itxuraz, gainerako kideei jarraibideak ematen zizkieten.

Telefónicak bere bezeroei eskatu die zibereraso bat jasan ondoren WiFiaren pasahitza aldatzeko

Konpainia kaltetuen talde bati mezu elektronikoak bidaltzen ari zaio «baimendu gabeko sarbide bat» gertatu ondoren, nahiz eta aipatu autoreek «ez dutela datu sentikorrik atzitu», hala nola izena, helbidea, fakturak eta bankuko datuak.

BlueBleed: Microsoften datu-arrakala berria

Microsoftek jakinarazi zuen bere bezeroen informazio konfidentzialaren zati bat agerian jarri zela Internet bidez atzitzeko moduko konfigurazio txar baten ondorioz. SOCRadar segurtasun-mehatxuen adimen-enpresak aurkitu zuen akatsa zerbitzariaren konfigurazioan; eta akatsa jakinarazi zion konpainia amerikarrari 2022ko irailaren 24an, eta hark eragindako zerbitzariak segurtatu zuen jakinarazpena jaso ondoren.

SEPEren gomendioak online iruzurra saihesteko

Phishing motako iruzurrezko ekintzek aurrera jarraitzen dute, eta zibergaizkileak gero eta gehiago hobetzen ari dira Estatuko Enplegu Zerbitzu Publikoa (SEPE) bezalako enpresa edo erakunde fidagarri bat ordezteko metodoa. Artikulu honetan gomendio batzuk ematen dizkizugu.

Kontuz! Banku-erakundeak ordezten dituzten hainbat smishing kanpaina detektatu dira.

Iruzurrezko SMSak bidaltzeko hainbat kanpaina detektatu dira (smishing), banku-erakunde asko ordezten dituztenak. Helburua da biktima banku-erakunde baten webgune ofiziala dela simulatzen duen webgune faltsu batera bideratzea, banku-zerbitzurako sarbide-egiaztagiriak lapurtzeko. Mezuetan erabilitako aitzakiak erabiltzailea kezkatzen saiatzen dira, hark estekaren gainean klik egin dezan azkar eta adierazten zaizkion urratsak egin ditzan egoera aztertzeko tartea hartu gabe.

Microsoft-ek 84 kalteberatasun konpontzen ditu hileroko eguneraketan, horietako bi 0-day

Microsoft-ek 2022ko urriko segurtasun-eguneraketak argitaratu ditu. Eguneraketa horiekin 84 kalteberatasun zuzentzen dira; horietako 13 kritikotzat jotzen dira, 69 garrantzitsutzat, 1 ertaintzat eta 1ek ez du baliorik esleituta. Kalteberatasun horiez gainera, Chromium-en oinarritutako Edge nabigatzailean zuzendutako beste 11 gehitu behar dira; Microsoftek ez du larritasun-mailarik ezarri horientzat. Kalteberatasun horiek produktu hauei eragiten diete, besteak beste: Azure, Azure Arc, Windows COM+ Event System Service, Windows Kernel, Microsoft Office, Microsoft Office SharePoint eta Microsoft Office Word.

Grandoreiro banku-troiarra Vodafone ordeztuz itzuli da

“Gaizkileen talde batzuek ere oporrak hartzen dituzte”, dio Josep Alborsek, ESET España zibersegurtasun-enpresaren ikerketa- eta kontzientziazio-zuzendariak. Grandoreiro banku-malwarearen lagin bat detektatu zuten azken aldia maiatzean izan zen, baina badirudi erasotzaileak berriro martxan jarri direla.

Linkedinek segurtasun-funtzio berria abiarazi du profil faltsuak identifikatzeko

Gainerako sare sozialetan bezala, LinkedIn engainu-lekua da, lan-eskaintza faltsuetatik hasi eta piramide-maulen gisako mauletaraino, besteak beste. Lazarus-en gisako adibideekin ikusi dugun bezala (azken urteotan hainbat erasotan LinkedIn malwarea banatzeko erabili baitu taldeak), eragile gaizto batzuek LinkedIn erabiltzen dute maulak egiteko, kredentzialak lapurtzeko edo malwarea banatzeko, eta horrek informazio sentikorra lapurtzeko edo sare korporatibo baten barruan mugitzeko aukera ematen die.

Wifi eavesdropping-a edo sare publikoetako entzute gaiztoak

Pertsonen ehuneko handi bat Wi-Fi konexio-puntuak aprobetxatzen saiatzen da sarerako sarbidea duten leku publikoetan datu-kontsumoa aurrezteko. Haietako askotan beren datu-basean alta emateko edo bertan profil bat sortzeko eskatzen zaie erabiltzaileei, lead-ak edo bezeroen informazioa biltzeko. Baina, kasu askotan, Interneterako konexioak diruditen sareak sortzen dituzten zibergaizkileek egindako ekintzak dira, benetan delitu egiteko tresnak baitira. Praktika hori Wi-Fi Eavesdropping gisa edo ezkutuko entzuteen eraso gisa ezagutzen da, eta biktima engainatzeko eta iruzurrezko sare batera konekta dadin lortzeko Wi-Fi entzuteak egitean datza.

Industria-konpainien aurkako zibererasoak % 59 igo dira

Azpiegitura kritikoko erakundeak maizago izaten ari dira zibererasoen xede. Kaspersky-ren zifren arabera, horietako erdiek eraso-kopurua handitu dute 2019 urtearekin alderatuta. Badakigu teknologia gero eta gailu gehiagotara iristen dela, eta kritikoak izan daitezkeen zereginak automatizatzen laguntzen duela; horren helburua kostuak edo arriskuak murriztea izan ohi da. Baina gaur egun, praktika honek gero eta gehiago erakartzen du zibergaizkileen interesa.