Ciscok segurtasun ohar bat argitaratu du Cisco Small Business Series gamako switch batzuei eragiten dieten 9 ahultasun aztertzen dituena. Larritasun kritikoa duten ahultasunen identifikatzaileak CVE-2023-20159, CVE-2023-20160, CVE-2023-20161 eta CVE-2023-20189 dira, eta horiek ustiatuz gero kaltetutako sistemen konfidentzialtasun, eskuragarritasun eta integritatean larritasun altua eragingo litzateke.

Aztertu diren larritasun altuko ahultasunei dagokienez, euren identifikatzaileak honakoak dira: CVE-2023-20024, CVE-2023-20156, CVE-2023-20157, CVE-2023-20158 eta CVE-2023-20162. Kasurik gehienetan horiek ustiatzeak sistemaren eskuragarritasunean inpaktu handia izan lezake.

Fabrikatzaileak dagoeneko argitaratu ditu dagozkien eguneraketak eta horrela nabarmendutako akatsak konpondu egin dira. Gainera, ez dago bestelako konponbiderik horiek arintzeko. Horregatik, ahultasun hau eta beste batzuk prebenitzeko gomendatzen da sistemak eta aplikazioak beti eguneratuta izatea eskuragarri dagoen azken bertsiora.