Zer da ziberasegurua?
Zibererasoen ondorioei aurre egiten laguntzen die erakundeei, bai norberari bai hirugarrenei.
Ziberaseguruek kontratuan parte hartzen duten alderdi hartzen dituzte kontuan:
- Zibererasoen ondorioen estalduragatik aseguru-konpainiari ordainketa finkoa egiten dion aseguru-hartzailea.
- Aseguru-etxeak aurre egin beharko dio ekonomikoki, aldez aurretik ezarritako diru kopuru bat ordainduta, hartzailearengan izan den eta kalte ekonomikoa eragin duen gorabehera digital baten aurrean.
- Bi aldeek sinatutako kontratua, estaldurak, konpentsazioak, salbuespenak eta abar hitzartuko dituena.
Ziberasegurua kontratatzearen onurak
Kontratatutako estalduraren arabera, ziberaseguru batek lagundu diezaioke erakunde bati gertatu diren segurtasun-gorabeherak konpontzen, zibererasoa gertatuz gero legezko alderdiak estaltzen, datuen ihesaren abisua kudeatzen dagozkien kontrol-agintariekin batera, diru-sarreren galerak edo irabazi-galerak ordaintzen, eta gertakariaren aurreko egoera konpontzeko eta leheneratzeko gastuak ordaintzen.
Laburbilduz, gaur egun Interneten dauden zibererasoen aurrean ziurtasuna eta segurtasuna sortzen laguntzen du.
Kontratazioa egiteko gomendioak
- Arriskuen ebaluazioa egitea eta zibereraso batek antolakundean, gordetako datuetan edo bezeroengan izan dezakeen eragina kontuan hartzea. Era horretan, kontratatu beharreko estalduren irismena eta motak ere kalkula daitezke.
- Negozioa sakon ezagutzea:
- Enpresaren jarduera.
- Tratatu eta biltegiratutako datu motak (informazio pertsonala edo konfidentziala).
- Erakundean dauden gailu informatikoak.
- Erabilitako jabetza intelektuala.
- Aseguru-estaldura egokiak aurreko puntuetan bildutako informazioarekin kontratatzea.
- Salbuespenak, kalte-ordainak, mugak eta abar definitu eta ulertzea.
Non jaso aholkularitza edo kontratatu ziberasegurua?
BCSCk “Euskadiko Zibersegurtasunaren Liburu Zuria” jarri du enpresen eta herritarren eskura. Bertan, Euskadiko zibersegurtasun-enpresen katalogoa dago, zerbitzu horiek eskaintzen dituztenak.
Liburu Zuri honek Euskadiko zibersegurtasun-merkatuaren laburpen edo bat-bateko gisa balio nahi du. Katalogo bizia da, aldian behin berrikusi eta eguneratzen dena, etengabe aldatzen ari baita zerbitzuen digitalizazioa eta sortzen diren aukerak.
