Euskadiko zibersegurtasunaren egoera - 2022ko 3. hiruhilekoa

2022ko hirugarren hiruhilekoari dagokion "Euskadiko zibersegurtasunaren egoera"ri buruzko txostena argitaratu dugu. Aldi horretan, 173 zibersegurtasun-gorabehera kudeatu dira, eta 6.888 kalteberatasun berri identifikatu dira; horrek esan nahi du % 3,5eko hazkundea izan dela aurreko hiruhilekoarekiko.

Hiru ETEtatik batek bezeroak galdu ditu zibereraso baten ondorioz

Hiru ETEtatik batek (% 32) bezeroren bat galdu du zibereraso baten ondorioz, Hiscox aseguru-etxeak Zibersegurtasunaren egunean (azaroaren 30ean) argitaratutako azterketa baten arabera.

Kriptodiru-meatzaritza, etengabeko mehatxua enpresentzat

Duela gutxi egindako azterketa batek erakusten duenez, kriptodiru askoren prezioa jaitsi den arren eta haietako garrantzitsuenetako batek (Ethereum-ek) meatzaritzatik urruntzeko erabakia hartu duen arren, meatzari gaiztoek enpresak mehatxatzen jarraitzen dute, eta bereziki esposiziopean geratzen dira hodeian azpiegitura erabiltzen dutenak. Meatzaritzaren arriskuak zein diren eta enpresa baten baliabide informatikoak nola babesten diren aztertzen ditugu.

Grupo Noticias-en aurkako zibererasoa

Grupo Noticias-en aurka egindako zibereraso batek arazoak sortu zituen egunez egunkari horretan orrialde inprimatuak sortzeko. Horren ondorioz, zerbitzarien blokeoa sortu zen, eta eragina izan zuen horrek Grupo Noticias osatzen duten lau edizio inprimatuetan: Arabako Noticias de Álava, Nafarroako Diario de Noticias, Gipuzkoako Noticias de Gipuzkoa eta Bizkaiko DEIA.

Puntu Neutro Judiziala, administrazio publikoen sareen aurkako zibereraso batek kaltetua

Botere Judizialaren Kontseilu Nagusiak joan den urriaren bigarren hamabostaldian Espainiako administrazio publikoen sareen aurkako zibereraso bat detektatu zuen. Zibererasoak Puntu Neutro Judizialean (PJN) izan zuen eragina. Organo judizialak Estatuko beste erakunde batzuekin konektatzen dituen telekomunikazio-sarea da PJN, eta epaileen gobernu-organoak kudeatzen du. Une horretatik bertatik zibersegurtasun-neurriak hartu ziren horrelako eraso informatikoei aurre egiteko eta neutralizatzeko.

Europako Parlamentuaren webguneak zibereraso bat jasan du Errusia estatu terroristatzat izendatu ondoren

Erasotzaileen identitatea egiaztatu ezin izan den arren, Errusiaren aldeko Killnet “hacker”-taldeak egilea bera dela aldarrikatu du bere Telegram kanalean.

Correos-en identitatea ordezten duten smishing kanpainak

Correos-en identitatea ordezten duten iruzurrezko SMSak (smishing) bidaltzeko kanpaina bat detektatu da. Helburua da biktima Correos-en webgune ofiziala imitatzen duen asmo txarreko orri batera bideratzea, bezeroaren kreditu-txartelaren datuak lapurtzeko. Mezuetan erabilitako aitzakien bitartez, pakete bat entregatzeko beharrezkoak diren tasa batzuk ordaintzeko esteka sakatzera eramaten da biktima.

Polizia Nazionalak maula berri bat dagoela ohartarazi die Banco Santander-eko bezeroei

Banku-txartelarekin omen dagoen arazo baten aitzakiarekin, zibergaizkileak banku-erakundeko bezeroen datu pertsonal eta ekonomikoak bereganatzen saiatzen dira.

WhatsApp-en laguntza teknikoko mezu faltsuak kontuak lapurtu nahi ditu

Aspalditik, maiz errepikatzen den engainu-modalitate bat ikusten ari gara: zibergaizkileak WhatsApp-eko laguntza teknikoko ordezkari gisa aurkezten dira. Mezuaren testua askotarikoa izan daiteke forman eta xehetasunetan, baina helburua beti berbera da: pertsonak SMS bidez iristen den sei digituko kode bat partekatzea. Pertsonak gako hori bidaltzen badu, gaizkileak WhatsApp-eko kontuaren kontrola hartuko du, eta bere kontaktuetarako sarbidea izango du, eta seguru asko solasaldien historiaren zati batera ere bai.

Kalteberatasun kritikoak eta 5 zero-day tratatu dira Microsoften hileroko eguneraketan

Microsoftek 2022ko azaroko segurtasun-eguneraketak argitaratu ditu. Eguneraketa horiekin 68 kalteberatasun zuzentzen dira; horietako 10 kritikotzat jotzen dira, 56 garrantzitsutzat eta 2k ez dute baliorik esleituta. Nabarmendu behar da kalteberatasun horien artean 5 zero-day kalteberatasun daudela, denak ustiatuta eta bat gizarteratuta. Kalteberatasun horiek produktu hauei eragiten diete, besteak beste: Windows Scripting, Microsoft Exchange Server, Windows Point-to-Point Tunneling, Windows Kerberos, Role: Windows Hyper-V, Windows CNG Key Isolation Service.

Emotet malwarea mezu elektroniko masiboetan banatzen hasi dira berriro

Espainia da eraso horien helburuetako bat, eta, hartzaileen kokapenaren arabera abiarazteaz gainera, tokiko hizkuntza ere erabiltzen duten mezuetan.

Ez da softwarerik deskargatu behar YouTube esteketatik

Benetan, ez egin. Kaspersky-k Txinako malwarearen hedapenari buruz egindako azterketak erakusten du zergatik ez den ideia ona.

WhatsApp-eko datu masiboen lapurreta: 500 milioi erabiltzaileren telefono-zenbakiak salgai daude

WhatsApp-eko 500 milioi telefono ingururekin eguneratutako datu-base bat "hacking" foro ospetsu batean jarri da salgai.

Orangeko segurtasun-arrakala batek agerian utzi ditu bezeroen datu pertsonalak

Hutsegitea multinazionalaren hornitzaile batean detektatu da, eta identitateak, helbide elektronikoak eta kontu-zenbakiak utzi ditu agerian, besteak beste.

Generali Seguros-ek poliza zaharretako datuak arriskuan jartzen dituen datu-ihesa izan du

Generali aseguru-etxeak datu-ihes bat izan du, bere informazio-sistemetan baimenik gabeko sarrera jasan ondoren. Enpresak jakinarazi du gorabehera horren eragina izan dutenak beren bezero-ohietako batzuk soilik izan direla, eta poliza zaharretan biltegiratutako datuak jarri dituztela arriskuan.

Ibilgailu elektrikoen karga-puntuen zibermehatxuek arriskuan jar dezakete ibilgailu horien hedapena

Check Point Software Technologies-en arabera, nahiz eta neurriak hartzen ari diren, industria ez da nahikoa egiten ari funtsean IoT gailuak direnak babesteko.

Evil PLC, mehatxu isila

Denbora pasa ahala, PLCen erabilera asko hedatu da industriako hainbat sektoretan, instalazioetan dauden prozesu guztiak hobetzeko helburuarekin. Gaitasunei, komunikazioei eta sendotasunari dagokienez bilakaera argia izateaz gain, PLCak ere hainbat erasotzaile- edo ikertzaile-talderen jomuga ere bihurtu dira (hala nola PLC-Blaster).

Estatu-nazio zibererasoak gaur egungo azpiegitura kritikoekiko mehatxuen % 40 dira jada

Joan den urtean, Microsoftek detektatu zuen azpiegitura kritikoei zuzendutako zibermehatxuak estatu-nazio erasoen % 20 izatetik % 40 izatera pasatu zirela. Igoera horren arrazoia, hein handi batean, Errusiak Ukrainako hedabideak kaltetzeko xedea eta Ukrainako aliatuei (Estatu Batuak barne) zuzendutako espioitza-ekintzak dira.