Errusiaren aldeko talde baten zibererasoa jasan dute Eusko Jaurlaritzako eta Legebiltzarreko webguneek

DDOSIA zibergaizkile taldearen eraso informatiko bat jasan dute Eusko Legebiltzarrak, Eusko Jaurlaritzak eta Estatuko beste erakunde batzuek. Errusiaren aldeko talde nazionalista hacktibista da DDOSIA, NoName057(16) izenez ere ezaguna. Erakundeko zerbitzu informatikoek baieztatu dutenez, ez da segurtasun-arrakalarik ireki. Erasoaren baitan webgunean sartu ziren, blokeatu arte geldotzeko.

Euskadik zibersegurtasun-plan bat aktibatuko du EAEko hauteskundeak bermatzeko

2024ko euskal hauteskunde autonomikoetan ziberzaintzako operatibo bat estreinatuko da, prozesu osoaren segurtasuna eta garbitasuna zaintzeko. “Zaintza digitalerako operatibo bat sortuko da, eta otsaileko azken astean zehar aktibatuko da”, azaldu du Javier Diéguez ingeniari informatikoak, Zibersegurtasuneko Euskal Agentzia berriko (Cyberzaintza) zuzendari nagusiak.

Kredentzialen lapurretarekin hasi zen 2023ko 2 zibererasotik 1

Urtero bezala, Internet Seguruaren Nazioarteko Egunean (Safer Internet Day, ingelesez), enpresak eta erabiltzaileak Interneten babesteko aholkuak eta gomendioak eskaintzen dituzte Sophoseko zibersegurtasun-adituek.

Bezeroen datu pertsonalei eragiten dien segurtasun-arrakala baten berri eman du Fudenek

Erizaintza Garatzeko Fundazioak segurtasun-jazoera bat detektatu du. Haien sistemetan baimenik gabe sartzea ahalbidetu du jazoera horrek. Ondorioz, erabiltzaileek prestakuntzako jardueraren bat egiteko erregistratutako datu pertsonal batzuk arriskuan jarri dira. Erakundeak kaltetuei abisatu die, mezu elektroniko baten bidez.

SEPE (Estatuko Enplegu Zerbitzu Publikoa) faltsutu dute, gailuak Ousaban malwarearekin kutsatzeko

Malwarea hedatzen duen kanpaina bat detektatu da. Malware horrek SEPE faltsutzen du phishing teknika erabilita. Horretarako, ustezko lan-prozesu baten baitan, jakinarazpen bat bidaltzen diote erabiltzaileari, esteka batean sartu dadin. Esteka horretan, ustez, prozesuaren xehetasunak ageri dira PDF formatuan. Baina, egiaz, fitxategi konprimatu bat deskargatzen du. Fitxategiak exekutagarri bat du, gailua kutsatzen duen kode gaizto batekin.

AnyDeski eraso egin diote eta pasahitzak aldatzeko presatu dituzte erabiltzaileak

Otsailaren 2an, AnyDesk urruneko mahaigaineko softwarearen fabrikatzaileak abisu bat argitaratu zuen, auditoria baten ondoren aurkitutako segurtasun-jazoera bati buruz. Jazoera horrek arriskuan jarri ditu softwarearen ekoizpen-sistemak, iturburu-kodea eta kodearen sinadura-ziurtagiriak. AnyDesk enpresak konponketa- eta erantzun-plan bat aktibatu du. Crowdstrike zibersegurtasun-konpainiak parte hartu du plan horretan, eta dagozkion neurriak hartu ditu, hala nola arriskuan jarritako sistemak ordezkatzea eta softwarearen bertsio berrienaren segurtasuna bermatzea. Gainera, enpresak erabiltzaile guztiak ohartarazi ditu eta gomendio batzuk argitaratu ditu.

Kutxabank faltsutzen duen SMS bidezko iruzurra

Bizkaian ‘phishing’ kanpaina berri bat dago martxan. Kutxabank faltsutzen duten ‘SMS’ mezuak jaso dituztela ohartarazi dute hainbat pertsonak. Kontutik diru kopuru handi bat kobratzen saiatu direla ohartarazten dio komunikazioak bezeroari. Hala, webgune bat bisitatu eta bertan haren datu pertsonalak sartzera presatzen du. Datu pertsonalak eta pasahitzak inori ez esatearen garrantzia gogoratu du bankuko bezeroentzako arreta-zerbitzuak.

BAT txartelekin lotutako iruzur posible batez ohartarazi du Arabako Foru Aldundiak

‘Modus operandi’-a honakoa da: sare sozialetan esteka bat eta informazio engainagarria hedatzen dituzte, urtebetez doako BAT txartelak eskainiz. Hori dela eta, informazioaren eta eskaintza engainagarriaren alboan ageri den estekan ez sartzeko ohartarazi die Aldundiak erabiltzaile guztiei, eta haien datu pertsonalak inola ere ez emateko.

Mugi txartelarekin lotutako iruzur saiakera batez ohartarazi du Gipuzkoako Garraioaren Lurralde Agintaritzak

Gipuzkoako Garraioaren Lurralde Agintaritzaren nortasuna “usurpatu” dute sare sozialetan, eta hala saiatu dira iruzurra egiten. Hortaz, honakoa eskatu zaie erabiltzaileei: “Daturik ez ematea, horrek sor ditzakeen arriskuak direla eta. GGLA ez da arrisku horien erantzule izango”.

Hileko segurtasun-eguneraketa argitaratu du Microsoftek eta 80 kalteberatasun zuzendu ditu, horietatik 5 larriak

2024ko otsaileko segurtasun-eguneraketa argitaratu du Microsoftek, eta 80 kalteberatasun zuzendu ditu. Horietatik 5 larriak dira, 66 garrantzitsuak eta 3 moderatuak; beste 6ei, berriz, ez zaie baliorik esleitu. Edge nabigatzaileari (Chromiumen oinarritua) eta CBL-Marineri (Linuxen banaketa, Microsoftek garatua) eragiten diete kalteberatasun horiek.

Hileko segurtasun-eguneraketa argitaratu du Googlek eta Androidi eta Píxel gailuei eragiten dieten 53 kalteberatasun zuzendu ditu

Androidekin eta Píxel gailuekin lotutako 2024ko otsaileko segurtasun-eguneraketak argitaratu ditu Googlek, eta 53 kalteberatasun zuzendu ditu. Pribilegioak areagotzearekin, informazioaren hedapenarekin eta kodearen urruneko exekuzioarekin lotutako akatsentzako soluzioak eskaintzen dituzte aipatutako zuzenketek. Kalteberatasun guztien artetik, 46k Android sistema eragileari eragiten diote. Horietako 1 larria da, eta 45 arrisku altukoak. Google Píxel gailuei dagokienez, 7 kalteberatasun zuzendu dira: 1 arrisku altukoa eta 6 moderatuak. Kalteberatasun horiek eta beste batzuk prebenitzeko, sistema eta aplikazioak eskuragarri dagoen azken bertsioaren arabera eguneratuta izatea gomendatzen da.

Zer dira kriptodiruaren drainatzaileak, eta nola defendatu?

Azkenaldian, tresna gaiztoen kategoria berri batek ospea hartu du kriptodiruaren iruzurgileen artean: kriptodiruaren zorroen drainatzaileak. Kriptodiruaren drainatzaileak zer diren, nola funtzionatzen duten, zergatik diren arriskutsuak eta horien aurrean nola defendatu azalduko dugu argitalpen honetan.

Erabiltzaileen sarbide-kredentzialak, ziberkriminalen jomugan

Kontuetarako sarbide-datuak helburu preziatu bilakatu dira zibergaizkileentzat. Verizon telekomunikazio-enpresak datuen ihesari buruz argitaratutako azken txostenaren arabera, detektatutako ihesen % 83 kanpo-elementuen ondorioz gertatu ziren, eta horietako % 49 kredentzialen lapurretarekin hasi ziren.

Honela lapurtu dezakete zure WhatsApp kontua

WhatsApp kontua lapurtu ondoren, iruzurgileak senitartekoak eta lagunak engainatzen saiatzen dira, Bizum bidez dirua bidali diezaieten.

Zergatik desaktibatu beharko litzateke Facebookeko esteken historia, eta nola egin?

Facebookek funtzio berri bat kaleratu zuen orain dela gutxi, esteken historia izenekoa. Esteken historia zer den, Facebookek zergatik inplementatu zuen, zergatik desaktibatu beharko zenukeen eta, garrantzitsuena, nola egin dezakezun kontatuko dizugu argitalpen honetan.

Zibersegurtasuneko aurreikuspenak industria-sektorerako

Kontrol Industrialeko Sistemen Larrialdiei Erantzuteko Lantaldearen (ICS CERT) 2024rako aurreikuspenak argitaratu ditu Kasperskyk. Hala, industria-sektoreko enpresek aurten izango dituzten zibersegurtasuneko erronka nagusiak aurreikusten ditu argitalpenak. Honakoak nabarmentzen dira: ransomware mehatxuen iraunkortasuna, hacktibismoaren gorakada, zibersegurtasun erasotzailea eta aldaketak logistika- eta garraio-sektoreei zuzendutako mehatxuetan.

Azpiegitura kritikoetan zibersegurtasuna bermatzen

Gaur egun, ezegonkortasun geopolitikoa bizi dugu mundu mailan, eta zibersegurtasuna erabakigarria bilakatu da agertoki horretan. Ziberkrimena nabarmen profesionalizatu da, eta erakunde kriminalei irabazi gehien ematen dien negozioetako bat bilakatu da. Hala, erakunde horiek jarduera mota horietara bideratzen dute aurrekontuaren zatirik handiena.

Baliozko kredentzialekin egindako erasoek gora egin dutela eta azpiegitura kritikoetan oinarrizko segurtasuna falta dela ohartarazi du IBMk

Zibererasoek gehien kaltetutako eskualdea Europa da, bertan kokatzen baitira 2023an IBMk izandako erasoen %32. Horrek esan nahi du mundu osoan ikusitako hiru erasoetatik batek Europa izan zuela helburu. Gainera, iaz baino %31 eraso gehiago egon dira.