Hondamendietatik berreskuratzeko plana (Disaster Recovery Plan, DRP ingelesez) politika eta prozesu erregistratuen multzo bat da, erakunde bati laguntzeko berreskuratze-prozesuak exekutatzen hondamendi bati erantzun nahian, enpresaren IT azpiegitura babesteko eta, oro har, berreskuratzea sustatzeko.
Hondamendietatik berreskuratzeko plan baten helburua da ahal bezain zorrotz azaltzea zer egin behar den natura-hondamendiren bat edo gizakiak eragindakoren bat dagoenean, gertatu aurretik, gertatu bitartean eta gertatu ondoren talde osoak ekintza horiek egin ahal izan ditzan. Hondamendietatik berreskuratzeko plan batek barnean hartu behar ditu gizakiak nahita eragindako hondamendiak (adibidez, terrorismoaren edo pirateriaren ondorioak) nahiz istripuz gertatutakoak (ekipoaren hutsegitea, esaterako).
Erakunde askotan ez da gogoetarik egiten negozio-jarraitutasunari edo hondamendietatik berreskuratzeari buruz, eta pentsatzen dute ez zaiela ezer gertatuko, oraindik ere halako hondamendirik edo gertakaririk izan ez dutelako. Analogia mediko bat eginez, gertakari bat da izan dezakegun sintoma bat (adibidez, gorputzeko tenperatura altua) eta gorabehera gertatzen da gaixotasuna begi-bistakoa denean, baina hura kontrolatzeko bitartekoak ditugunean (sukarra baldin badugu, erabilera arrunteko antipiretiko bat hartu ahal izango dugu). Aitzitik, hondamendia da larrialdietara joan behar dugunean (sukarra ez da jaisten, eta zentzumenei eragiten hasten da). Arreta emango digutenen baliabide materialak, giza baliabideak eta ezagutzak Hondamendietatik berreskuratzeko planaren parte izango dira.
Hondamendietatik berreskuratzeko plan bat konpainiaren aktibo guztiak jasotzen saiatu behar da, hondamendiak ez baitie eragiten IT arloei bakarrik. Helburua da ITk arazoren bat izanez gero kasurik txarrenean ere negozioak abian jarraitu ahal izatea edo, behintzat, ez gelditzea; horregatik, erakundearen sail eta funtsezko alderdi guztiak hartu behar dira kontuan.
Erakunde bakoitza eta egoera posible bakoitza bakarra da, eta ez dago hondamendietatik berreskuratzeko plan bat garatzeko modu bakar eta zuzenik. Hala ere, hiru helburu nagusi daude, plan gehienen nukleoa osatzen dutenak:
- Prebentzioa, segurtasun kopiak, sorgailuak eta gaintentsioen kontrako babesleak barne.
- Mehatxu potentzial berrien detekzioa, ohiko ikuskapenen azpiproduktu naturala.
- Zuzenketa, “ikasitako ikasgai”ei buruzko ideiak trukatzeko saio bat egitea barnean har dezakeena, baita aseguru-poliza egokiak eta egokituak lortzea ere.
Behar bezala identifikatuta mantendu behar dira erabakiak hartzeko prozesuak eta aktiboak, baita erabili beharreko komunikazio-kanalak ere, hondamendia gertatuz gero DRPa behar bezala exekuta dadin. Horrez gain, beharrezko alderdi arduradunak ere sartu behar dira, eragiketek arazorik gabe funtzionatzen dutela bermatzeko. Adibidez, erakundeak hodeiko babes-zerbitzuak edo hondamendietatik berreskuratzeko zerbitzuak erabiliko balitu, argi egon beharko luke hornitzailearen izenak, harremanetarako informazioak eta hondamendia gertatzean laguntza eska dezaketen langile baimenduen zerrendak.
