Negozioaren jarraitutasun-plana (Business Continuity Plan, BCP ingelesez) enpresa baten balizko mehatxuak prebenitzeko eta berreskuratzeko sistema bat sortzeko prozesuaren emaitza da. Planak bermatzen du langileak eta aktiboak babestuta egongo direla eta berehala funtzionatu ahal izango dutela hondamendia gertatuz gero.
Langileak eta aktiboak babesteko diseinatuta dago, eta hondamendi bat gertatzen denean berehala funtzionatu ahal izango dutela ziurtatzeko. Enpresaren eragiketetan eragina izan dezaketen arrisku guztiak definitu behar ditu; alegia, erakundearen arriskuak kudeatzeko estrategiaren alderdi oso garrantzitsua da. Arrisku horiek barnean har ditzakete natura-hondamendiak (suteak, uholdeak edo klimarekin lotutako gertakariak) eta eraso zibernetikoak.
Negozioaren jarraitutasun-planak edozein negozioren alderdi garrantzitsua dira. Mehatxuek eta eteteek diru-sarreren galera eta kostu handiagoak eragiten dituzte, eta horrek errentagarritasuna eta produktibitatea jaisten ditu, ezinbestean.
Arriskuak identifikatu ondoren, planak honako hauetarako ere balio behar du:
- Eragiketei arrisku horiek nola eragingo dieten zehazteko.
- Arriskuak arintzeko babesak eta prozedurak inplementatzeko.
- Proba-prozedurak eskuragarri izateko eta funtzionatzen dutela ziurtatzeko.
- Prozesua maiz berrikusteko eguneratuta dagoela ziurtatzeko.
Negozioaren jarraitutasun-plana probatu egin behar da, ahultasun identifikagarririk ez dagoela bermatzeko eta ezinbestean exekutatu behar izan baino lehen zuzentzeko. Enpresek hainbat hondamendi jasan ditzakete, askotariko tamainatakoak, txiki-txikietatik katastroferainokoak. Negozioaren jarraitutasun-planaren helburua erakunde bati laguntzea izan ohi da, hondamendiak gertatuz gero –suteak, esate baterako– eragiketak egiten jarrai dezan. Hondamendietatik berreskuratzeko planak, berriz, krisi horietako baten ondoren enpresa baten IT sistema berreskuratzean zentratzen dira.
Erakundeek aseguruak eduki ditzaketen arren, ezin dira aseguruaren mende soilik egon, ez dituelako kostu guztiak estaltzen, ez eta hondamendi baten ondorioz produktibitate-geldialdiren bat egonez gero lehiakideengana jo dezaketen bezeroak ere.
Negozioaren jarraitutasun-plana behar bezala garatzeko, urrats hauek gomendatzen dira:
- Enpresa-inpaktuaren analisia: Erakundeak urgenteak diren funtzio eta baliabideak identifikatuko ditu.
- Berreskuratzea: Negoziorako funtzio kritikoak berreskuratzeko urratsak identifikatu eta ezarri behar dira.
- Erakundea: Jarraitutasun-talde bat sortu behar da. Talde hori arduratuko da plan bat asmatzeaz etete posiblea kudeatzeko.
- Gaikuntza: Jarraitutasun-taldeak gaituta eta probatuta egon behar du. Halaber, taldekideek plana eta estrategiak errepasatzeko ariketak egin behar dituzte.
Negozioaren jarraitutasun-plana izateak eta beharrezkoa izanez gero behar bezala exekutatzeak erakundearen ospea zaintzen lagunduko du. Gainera, horrelakorik egon ezean edo behar bezala exekutatu ezean gertatuko litzatekeen inpaktu ekonomikoa murriztuko du. Alegia, horrelako plana sortzea aurre hartuko diogu gerta daitekeen horri, eta enpresa-erresilientziari lagunduko diogu.
