Zibersegurtasuna hauteskunde-garaian

Hurrengo hauteskundeen testuinguruan, egoera politikoak bilakaera esanguratsua izan du, sare sozialek eta teknologiak emandako informazioaren eskuragarritasunean eta komunikazioan izandako aldaketen eraginez. Ildo horretan, gure zuzendaria den Javier Dieguezek zibereraso bat jasateko mehatxuak eta arriskuak azaldu ditu Euskadi Irratiko FAKTORIA saioan.

Hauteskunde-prozesuetan ziberdelituen helburua emaitzetan eragitea edo sistema demokratikoarekiko konfiantza haustea da. Horretarako, Javierrek elkarrizketan aipatzen duen bezala, zibergaizkileek lau modu erabiltzen dituzte nagusiki: desinformazioa sare sozialetan zabaltzea, funtsezko pertsonen identitatea ordeztea, web-orriak behera botatzea edo hautagaien komunikazio bideak saboteatzea.

Gainera, teknologia hobetu da, eta, beraz, arrisku-egoerak okerrera egin du aurreko hauteskundeetatik, zibersegurtasunari dagokionez. Duela 4 urte, IAko edo deepfake-en ia hasieran geunden; orain, berriz, askoz helduagoa da teknologia hori, eta tresnak pertsonen iritzietan eragiteko erabiltzen dira. Bestalde, kontua ez da alderdi politikoak bereziki zaurgarriak direla, baina hauteskunde-prozesu unean, helburu interesgarri bihurtzen dira kontrako ideiak dituztenentzat. Horregatik, ulertzekoa da, aldi sentikorra izanik, informazio faltsuan oinarritutako iritziak sortu nahi dituztenen edo hausnarketa-egunak errespetatu nahi ez dituztenen mehatxua egotea.

Azkenik, Javier Dieguezek azaldu zuen bezala, oso zaila da zibereraso horien jatorria ezagutzea, baina hauteskunde-prozesuari begira, zalantzarik gabe, profil-nodo faltsuak dira kezka nagusiak. Zehazki, bots sozialek, iritziari eragiten diotenek. Bots hauek, iritzi automatikoak eta desberdinak sortzen dituzte erabiltzaileei aurre egiteko, eta, aldi berean, haien iritziaren antzeko iturriak sustatzen dituzte.

Elkarrizketa osoa hemen entzun dezakezu.