Spamtrapak
Spamtrapa posta elektronikoko sistema bat da, amu gisa jarduten duena, eta mezu elektronikoak biltzen ditu bere helbide elektroniko simulatuen bidez.
Zibersegurtasunaren arloan, halako sistemak erabiltzearen xedea izaten da maltzurrak izan daitezkeen mezuak biltzea, aztertzea, hala dagokionean neurri aringarriak hartzea eta, beharrezkoa izanez gero, alerta goiztiarra ematea. Nagusiki, phishing eta malware kanpainak detektatu nahi izaten dira.
Zertarako erabiltzen dira spamtrapak?
Zibergaizkileek etengabe biltzen dituzte helbide elektronikoak Interneteko hainbat bitartekoren bidez (bilatzaileak, webguneak, sare sozialak, filtrazioak, argitaratutako dokumentuen metadatuak...), beren «helburuen» zerrendak elikatzeko eta beren kanpaina maltzurren arrakasta-ratioa handitzen saiatzeko.
Spamtrapak defentsa-sistema gisa sartzen dira jokoan, eta «pertsonalak» diruditen helbideak jartzen dituzte eragile maltzurren eskura. Hala ere, ez dago inor atzean, jasotako mezuei erantzuten. Mezu horiek segurtasun-analisten eskuetara iristen dira, eta haiek aztertu egiten dituzte, kasuari dagozkion neurri guztiak hartzeko.
Nabarmentzekoa da alerta goiztiarra; haren bidez, publiko orokorraren eskura jartzen da aztertutako kanpainari buruzko informazioa, mota horretako erasoek enpresei eta partikularrei eragin diezaieten saihesteko.
Zer egiten dugu Ciberzaintzan?
Cyberzaintzan spamtrap-sistema bat daukagu, erregistratutako hainbat domeinurekin. Domeinu horiek Spamtrap posta-zerbitzariaren IP helbide publikoa daukate konfiguratuta posta-zerbitzari gisa (MX erregistroa).
Horietako bakoitzean, hainbat posta-helbide sortu dira, zeinak hainbat lekutan argitaratu baitira, hala nola zibergaizkileek mota horretako zerrendak bildu ohi dituzten lekuetan, bai eta domeinu bakoitzaren webgunean ere, errazago bildu eta erabil daitezen kanpaina maltzurren xede gisa.
Kanpaina maltzurra
jasotzea sisteman
Azterketa
teknikoa egitea
Neurri tekniko
egokiak hartzea
Alerta gure
kanalen bidez
Nola lagundu daiteke spamtrap-sarea zabaltzen?
Nahikoa da azpidomeinu bat sortzea eta haren MX erregistroa gure spamtrap sistemako Postifx zerbitzarian idaztea. Horrela, sistema aberastu egiten da eta handitu egiten dira mota horretako kanpainak detektatzeko gaitasunak. Horrek mesede egiten dio ekosistema osoari. Edozein erakunde publiko jar daiteke gurekin harremanetan informazio gehiago eskatzeko.
Zibersegurtasun Katalogoa
Jarri lehenbailehen harremanetan hornitzaile batekin, zure enpresa osoaren zibersegurtasuna aztertzen laguntzeko eta zibereraso edo datu-filtrazioetatik babesteko jarduera-plan bat egiteko. Ez itxaron gehiago!
