Zibersegurtasun industrialerako dirulaguntzak
SPRIk abian jarriko du Zibersegurtasun Industrialeko Programa, zeinak dirulaguntzak eta aholkularitza pertsonalizatua eskaintzen baitizkizu zure enpresaren segurtasun informatikoa hobetzeko. Programa honen bidez, aditu batek zure egungo egoera aztertuko du eta zure premietara egokitutako ekintza-plan bat proposatuko dizu. Hala, gai izango zara zibererasoei aurrea hartu eta erantzuteko eta zure negozioaren lehiakortasuna bermatzeko.
Zer da zibersegurtasun industrialerako dirulaguntzen programa?
Eusko Jaurlaritzak, SPRI Taldearen eta Cyberzaintzaren bidez, zibersegurtasun industrialerako dirulaguntzen urteroko programa bat jarri du abian, itzuli beharrik gabeko 18.000 eurorainoko dirulaguntzekin, enpresa industrialen eta zerbitzu aurreratuko enpresen zibersegurtasunean hobekuntzak sustatzeko.
Programaren helburua da enpresei laguntzea honako eginkizunetan:
- Zure IT/OT ingurunearen segurtasuna indartu babes-sistemak integratuz.
- Lantegiko ekipo industrialetarako urruneko sarbideak segurtatu mantenimendu-, kontrol- eta kudeaketa-lanak egiteko..
- Kanpoko erasoak simulatu eta konpainiaren datuetarako sarbide-maila desberdinak dituzten profilak ikuskatu.
- Produkzio-lantegietako software industrialaren segurtasuna ebaluatu eta hobetu.
- Egungo egoera diagnostikatu eta zibersegurtasuna hobetzeko ekintza-plan bat egin.
- Zibersegurtasun industrialeko estandarrak eta araudiak bete.
- Perimetroko segurtasun gailuak eta beste gailu industrial batzuk monitorizatu.
- Negozioaren lehiakortasuna eta jasangarritasuna bermatu informazio estrategiko edo garrantzitsua babestuz.
- Langileak zibersegurtasunaren inguruan kontzientziatzeko ekimenak.
Zer enpresa motak eska dezakete?
Enpresa industrialak eta produktu-prozesu industrialari lotutako zerbitzu enpresak, bai eta Euskadin kokatuta dauden talde industrialen edo produktu-prozesu industrialari lotutako zerbitzu enpresen enpresa matrizeak ere, euren egoera ekonomiko kontsolidatuta kontuan hartuta, eta diruz laguntzeko modukoak diren eguneraketak exekutatzeko proiektuak aurkezten dituztenak. Hori guztia baldin eta:
Jarduera industrialeko zentro bat edo produktu-prozesu industrialera lotutako zerbitzuen zentro bat badute Euskadin.
Aurkeztutako proiektuak zentro horretan eragina badu eta diruz lagunduko den jarduera bertan egiten bada.
Euskadiko Jarduera Ekonomikoen Zergan dagokien epigrafe industrialean alta emanda badaude.
2022ko deialdia
Onartutako proiektuak:
349
EJren dirulaguntza:
2,99 milioi euro.
Inbertsio pribatua:
7,1 milioi euro.
2021eko deialdia
Onartutako proiektuak:
404
EJren dirulaguntza:
3,48 milioi euro.
Inbertsio pribatua:
8,3 milioi euro.
2020ko deialdia
Onartutako proiektuak:
178
EJren dirulaguntza:
1,3 milioi euro.
Inbertsio pribatua:
3,775 milioi euro.
2019ko deialdia
Onartutako proiektuak:
219
EJren dirulaguntza:
1,95 milioi euro.
Inbertsio pribatua:
4,45 milioi euro.
Zibersegurtasun katalogoa
Jarri lehenbailehen harremanetan zure enpresa osoaren zibersegurtasuna aztertzen lagunduko dizun hornitzaile batekin, jarduera plan bat prestatu diezazun zibererasoen edo datuen filtrazioen aurrean babesteko. Ez gehiago itxaron!
